Cymru Swyddfa

Mae economi Cymru wedi newid yn sylweddol dros y blynyddoedd diwethaf. Mae'r sector cyhoeddus yn parhau i chwarae rhan bwysig iawn gyda mwy o bwyslais ar ddarparu gwasanaethau o safon uchel sy'n canolbwyntio ar ddinasyddion.  Gwelwyd trawsnewid yn y sector preifat, o'i sylfaen ddiwydiannol draddodiadol i un a nodweddir gan dechnoleg a gwasanaethau ariannol a phroffesiynol.  Mae Cymru wedi croesawu mewnfuddsoddwyr pwysig o Ewrop, America a'r Dwyrain Pell mewn sectorau sy'n cynnwys electroneg, ynni gwyrdd a chynhyrchu.  Mae'r wlad hefyd yn dal i fanteisio ar ei hamgylchedd naturiol drwy ei diwydiannau twristiaeth a bwyd-amaeth sy'n tyfu.

Gwnaed llawer i adfywio ardaloedd ôl-ddiwydiant ac i hyrwyddo datblygiad economi sy'n seiliedig ar wybodaeth.  Mae hi'r un mor hawdd anghofio'r trawsffurfiad pwysig hwn yn yr hinsawdd economaidd gyfredol ag yw hi i anghofio'r camau enfawr ar ôl datganoli i hyrwyddo Cymru ar lefel Brydeinig, Ewropeaidd a rhyngwladol fel gwlad economaidd gyffrous a chanddi synnwyr cryf o hunaniaeth genedlaethol.  Mae hi'n bwysicach nag erioed o'r blaen fod Cymru yn harneisio'r dalent orau sydd ar gael yn lleol ond hefyd ledled y DU a thramor os yw am ffynnu yn y dyfodol.

Odgers Berndtson yw'r unig gwmni dibynadwy sy'n recriwtio uwch-weinyddwyr a chanddo dîm cynhwysfawr o Ymgynghorwyr, Ymchwilwyr a Staff Cefnogi wedi ei leoli yng Nghymru, ac sy'n cyfuno gwybodaeth a phrofiad helaeth o farchnad Cymru a'i hanghenion penodol.  Ni yw'r cwmni recriwtio Uwch-Weinyddwyr mwyaf yn y DU, yr ail fwyaf yn Ewrop a'r chweched yn rhyngwladol.

Yn achos pob aseiniad mae ein tîm Cymreig yn cydweithio'n agos â'n cymheiriaid cenedlaethol (200 Ymgynghorwr a 50 Ymchwilydd yn ein 8 swyddfa yn y DU) i sicrhau'r timau gorau a fydd yn cynnwys aelodau o Gymru, o'n sector tra arbenigol ac o'n hadrannau cenedlaethol gweithredol, i ddenu ymgeiswyr o'r radd flaenaf yn lleol a ledled y DU (neu'n rhyngwladol drwy ein swyddfeydd tramor) yn ôl yr angen.

Fel hyn rydym yn gweithio mewn partneriaeth â chleientiaid i gyfrannu tuag at yr economi adfywiedig ac egnïol yng Nghymru."